قصتي مع الانسان اللي حبيتو

قصتي مع الأنسان ألـــي حبيته ):

بدائت قصتي من كان عمري 16_17 سنه وكان الحب والهم أجتمعا معي بهذا العمر ... كنت متنومه مع امي في المشفى وفي يوم من الايام تعرفت ع ممرض بقسم ال..................
خذيت رقمه بكل سذاجة مني وغباء ودقيت عليه وأعطيته أسم مستعار " ريم "
كنت وقتها طفله بل مراهقه مااعرف شي منا نكلم بعض دائماً دائماً حـبـيـتـــه كنا نكلم بعض ثلاث مرات باليوم قبل مايروح وبعد مايرجع من الدوام وقبل ماينام.
كنت مبسوطه بالاهتمام بوقت ماكان أحد يهتم فيني بل العكس كنت شايله بيت أهلي ع اكتافي مرت الايام والاشهر وهو مايعرف غير اسم "ريم" وبعد سنتين دقيت عليه
الصبح وقررت أقوله من انا لانه صار كل حياتي ودنيتي كان وقتها بالدوام قلت فلان انت تعرف من انا قال ريم قلت لا انا ...... وقتها جاه اتصال واضطر يقفل وغاب خمس اشهر ماكنت ادري
عنه حي ولا ميت كنت ادق ع جواله وارسل كان نادراً مايرد اخوه علي واقفل بوجهه وبشهر ثمانيه أرسل رساله الساعه 6:30 الصباح ماصدقت لدرجة اني قفلت الرساله ورجعت افتحها
كنت بين حلم وحقيقه كلمته اكثر من ساعه سألته قال اخوي صار عليه حادث !!!!
خمس اشهر طيب ماافتكرتني
مرت الايام و تدور الاحداث وكنا قراب من بعض حيل كنت أحب أشاركه أحداث يومي فرحي وتعاستي وألمي
وبعد سنه وخمس اشهر بالضبط .وتحديدً في شهر خمسه دقيت ع تلفون ع مكتبه ب المشفى رد قالت : فلان قال مين انتي قلت م.......... قال مين م......... وقفل بوجهي
بكيت وكرهت حياتي مرت الايام والاشهر والسنين وانا عايشه بجسد بلايا روح كنت كل مااشتقت لصوته وابي اطمن عليه دقيت ع تلفون مكتبه ع المشفى اسمع صوته واقفل ع طول
وبعد ثلاث سنوات وتحديداً 5/11 /1431هـ في لحظة ضعف الساعه 2 ليلاً ارسلت له رساله وحطيت تحت الرساله حرفm رجع ارسل ....... كذا وفي الصبح ارسلت له رساله رجع ارسل
وكتب LTZ هذي كان دائماً يقولها لي ولها معني رجعت له برساله وكتبت ههههههههه وارسلتهاا
دق وكلمته جلس يلومني وكاني أنا السبب
سألته تزوج سكت قلت اكيد بس جاوب قال ايه قلت كم لك قال سنه ونص ...
ملا حياتي بالأوامر لاتدقين ولا ترسلين بالوقت الفلاني طيب وانا ...
مرت الايام وانا وسهر اللياااالي نتخاوا كانت قوقتها زوجته حاامل كنت كل ماادق او ارسل مايرد كانت حجته زوجته ازعل ارضى نفس الشي عنده
جاء الحج وانتدب وبرضو هذا حاله مرض جاه "أنفلونزا الخنازير" وبعد اسبوع من مرضه دق علي الصبح وخبرني بكيت وانوجع قلبي حسيت روحي طلعت وتمنيت المرض فيني
اول مره اخاف عليه ...... طلع من المشفى ورجع البيت وضلينا اسبوعين قراب من بعض لدرجة حسيت أني عايشه معه لحظه ب لحظه وبعدها انقطعنا عن بعض والسبب هو تجاهل اتصالاتي
كرهت حياتي كنت ادق وارسل دايم وهو ولا كنه
وبعدها بقرابة شهر أرسل رساله الساعه 5:30 الفجر جلسنا نتراسل وضل يومين ورجع اختفاء
هو يحلف يقول انه يحبني وانا اقولألي يحب يسعد حبيبه مو يتعسه ويوجع له قلبه رغم أنه متأكد اني أحب الارض اللي يمشي عليهاااا
ماادري وش اسوي تعبت قلبي لين متى وانا اسامح وانسى . قلبي منك انكوى وعيني ماخليتها الدموع
احبه حب لو وزع ع هالبشريه كان كفاهم وزاد

ألحين يدق علي بس ماارد عليه بس عارفه قلبي لو يدق ويصر برد وبألين له

هذي قصتي من سبع سنين لليوم
انــا محتـــــاره وش اسوي !!!!!!!!!

والله ماني عرفاه اش اقول بس الله يعطيك العافية
ومشكور على القصة الرائعة

» الانسان والحب
» الهدوء عنوان الانسان الواعي
» (( خذ مني الكلام )) جديد كلاش Ft جي ثري .. اللي بيسمع الراب الحقيقي يخشش