محلوّي ست البنات ...محلوّي

طلَّت يابدر الليــــلات....لَ تضـــــوّي

زايد نورا بالسـهرات....هالحلــــــوي

غيّر بالقلب النبضات....جمـــــــــــالا

محلــوّي ست البنات....محلـــــــــوّي



غيّر بالقلـب النبضات....جمــــــــــالا

الورد فتّح عا دلعـــها............ودلالا

عالبـعد مافي لحظات....تهنــــــــــالا

عليي بتهب الأشواق....وبتكــــــــوي



عالبعد كنت محروق.......ملـــذوعي

والقلب يخفـق ويكزّ.......عاضلوعي

كل الأمــل لوصالك.......مشــروعي

بلكي سواد الأيــــام........بضـــــوّي



كل الامل بوصالك.......ياروحـــــــي

انتي الـدوا لهمومي......وجروحــــي

ثلج الخيرويومن بان....عاســــفوحي

لكن انا بشوب الصيف....شوبســوّي



يا حسرة صار السلام....بالـــعيـــون

رمشة عين والله عالم.... بالـمكنــون

نشف ريقي حتى النَفَـس..على الهون

وشفافا ياخمر بكـوز.... وبيـــــروي